....... en er komin í smá frí í vinnunni, þeas í einn dag og sit núna á kaf amor með litlu dúllunum mínum, snata, sperðli og sól, agalega agalega kósí. Ætla að reyna að kaupa jólagjafir í þessari ak ferð en vantar helling af hugmyndum, þannig að ef  þig hafið hugmyndir þá eru þær vel þegnar.
Annnars er það í fréttum að Helga mín er að útskrifast úr þjóninum  þann 19. des,  til hamingju með það dúllan mín, og svo er Gummi litli stúdent eftir nokkra daga, man ekki dagsetninguna en til hamingju Gummi minn!!!

Gangi ykkur vel í prófunum Erla, Sóley, María og allir aðrir sem eru að berjast í þessu núna, shit hvað er gott að vera búin!!!!

Óver and ót
K

alveg ofboðslega hratt. Mér finnst örfáir dagar síðan að ég byrjaði að vinna á Húsavík og nú er sá tími að verða búinn. Fyrir þá sem ekki vita fer ég að vinna á Sjúkrahúsinu á Sauðárkróki 5 janúar. Þar verð ég í 100% vinnu (að venju) sem skiptist í 3 vaktir í viku í heimahjúkrun og 2 vaktir í viku á deild (sjúkra eða öldrunardeild). Ég vinn einungis 5 hverja helgi sem gleður mig ósegjanlega mikið. Helgina eftir vinnuhelgi fæ ég svo 3ja daga fríhelgi í staðinn fyrir það sem ég vann víhí.
Annars dauðlangar mig að þakka erlendum vinum mínum fyrir fjölmargar heimsóknir á síðuna og gladdi það Almar gríðarlega að sjá komment frá þeim og hyggst hann fjárfesta í vatnsdælu fyrir pott hið fyrsta. Ég meina, alltaf gott að eiga dæluna þó potturinn sé ekki kominn
Annars hefur það drifið á daga mína að ég fór á Árshátíðina hjá HÞ þann 8/11 í Skjólbrekku og var það hin mesta skemmtun. Fór ég í fylgd míns ástkæra maka, fyrir þá sem ekki vita er það hin yndisfríða Maria nurse associate
Svo er ég flutt í nýja íbúð á eyrinni og bý á tveimur stöðum á víkinni, já það þarf sko mörg heimili fyrir stóra fjölskyldu
Núna er ég á næturvakt og fer svo í dásemdar helgarfrí kl 8í fyrramálið. Stendur til að bruna heim og byrja að setja upp eitthvað jólaskraut, Sigga hringdi í kvöld og var komin í svo mikinn jólahug að hún smitaði mig!! Í hefndarskyni er ég búin að bjóða henni í mat annaðkvöld og hyggst reyna að eitra fyrir henni svo hún skreyti ekki meira en ég hehe. Og já, í dag keypti ég líka fyrstu jólagjöfina, sem telst til tíðinda á mínum bæ, þær eru yfirleitt ekki keyptar fyrr en daginn fyrir þorláksmessu
Þá segi ég þetta nóg í bili af næturvakt
óver and át

Að ég hef fengið haug af blammeringum fyrir blogg leti mína. Ég lofaði Mæsunni minni að það yrði á næstu næturvakt en þar sem ég þekki næturvaktir  þá veit ég að ég eftir að svíkja það, alltaf upptekin við vinnu, spjall og saumaskap

Af mér er allt ljómandi að frétta, kom á eyrina góðu í dag, lítið sofin eftir ljómandi góða næturvakt, nei María næturvaktir með þér eru betri, sakna þín agalega mikið í vinnunni.

Allt gengur sinn vanagang, ég sauma út, drekk hvítvín í góðra vina hópi bæði á Húsó og Ak. Er með á plani að fara í Sjallann annaðkvöld örstutta stund að horfa á Láruna mína syngja á sprellmóti, aldrei að vita nema að Almar fáist með þar sem hann er á leið norður.
Það er nánast frágengið, held ég, að ég verði fram að áramótum á víkinni minni, hvað ég geri eftir það er ekki gott að segja og allar hugmyndir um hvað ég eigi að taka mér fyrir hendur eru vel þegnar. Nei Almar engar dónahugmyndir, ég veit hvað þú hugsar.

Húsvíkingar gera svo vel við mig að ég er komin með pínkulitla, agalega sæta íbúð, stutt frá sjúkrahúsinu og kostnaður er alveg í lágmarki hehe

Núna er ég komin til Ingu minnar og sætu stelpnanna hennar og hyggst eyða kvöldinu í faðmi þeirra og þar verður engin svikinn, verður trúlega mikið um hlátur og skemmtun og aldrei að vita nema verði kíkt í saumaskap (já María ég veit að þér finnst ég nörd, þú skiptir um skoðun þegar þú færð útsaumaða jólagjöf frá mér ).

Annars þangað til næst
hafið það agalega agalega gott og farið vel með ykkur
luv
K

Júbb útskriftin auðvitað löngu búin, ég löngu hætt á FSA og flutt til Húsavíkur...... Var búin að skrifa rosalega skemmtilegt næturvaktablogg hérna um daginn en það fór allt út í veður og vind.

Hins vegar er ég á næturvakt annað kvöld og aldrei að vita nema að ég hristi eitt fram úr erminni þá, svona ef það verður lítið að gera sko.......

Sjáumst
K

Þá er komið að því, útskriftin er nánast á  morgun.

Kynntum lokaverkefnið í gær og það gekk sona ljómandi vel enda eðalkonur í hópnum. Fórum beint á Strikið og fengum okkur einn ískaldann og það var nú bara frekar ljúft.

Byrjaði á handlækningadeildinni á þriðjudag og finnst bara svo ljómandi gott að vera þar. Gæti alveg hugsað mér að vera þar fyrir lífstíð.

En hins vegar nenni ég bara ekki að tala mikið við ykkur núna, er eitthvað svo agalega agalega löt en samt glöð og happý. Er að fara að grilla með systkinum mínum í kvöld og svo djamm með pettí og trásmundi.:þ

Heyri bara í ykkur seinna, elska ykkur öll dúllurnar mínar (nei Almar ekki þig samt)

K
P.S. bara minna ykkur á: 2 VIKUR Í ÚTSKRIFT!!!!!!

Bara að láta ykkur vita...........................................................
RITGERÐIN ER BÚIN!!!!!
Bið að heilsa ykkur

K

Jæja gleðilegt sumar!!!

Eitthvað er víst fólk orðið þreytt á að bíða eftir bloggi, hér kemur það en verður hálf lélegt að þessu sinni, því miður, höfum þetta punktablogg.

Helst ber til tíðinda:

Ég er að flytja, er að dvelja síðustu nóttina í Staupasteini, eyddi kvöldinu í spjall og spilamennsku við Ásuna mína. Voða næs.

Fór í sumarbústað með lokaverkefnishópnum mínum,  ferðin snérist um agalega agalega mikla vinnu, aðeins bjór og pottaferðir

Lokaverkefnið alveg að verða búið,  klárum það vonandi í næstu viku

Fékk hringingu frá leiðbeinanda lokaverkefnis í kvöld sem var sona agalega agalega ánægð með okkur, gott mál það, mér létti agalega agalega mikið

Styttist agalega agalega mikið í útskrift jei hei jibbý jei

Enn styttra í að við skilum lokaverkefninu

Og fljótt á eftir byrja ég í nýrri vinnu...... ÚFF

Annars lífið bara agalega agalega gott

Lára...... þú ert sennilega eina sem skilur agalega agalega brandarann heheh

Og  að lokum þá varð hún Valdís litla mín móðir þann 22. Apríl, eignaðist fjallmyndarlegan son (enda ekki von, hann er skyldur mér) rúmar 16 merkur og 56 cm, óska henni og Helga innilega til hamingju með gullmyndarlegan prins;o)

Og síðast en ekki síst, þá náðu Heiða, Hafdís og Eva því að verða fyrstar í kaffi á nýja heimilinu mínu, aðrir sem vilja koma endilega skiljið eftir skilaboð hér á blogginu eða sendið sms!!!! Allir velkomnir, bara ekki allir í einu, þetta er sko lítil íbúð!!!!

Hafið það sem best
K

 

 

 Fátt hefur merkilegt drifið á daga mína. Við höfum setið sveittar yfir lokaverkefni sem reyndar gengur þokkalega.

Aðeins auðvitað djammað líka. Fór á miðvikudag í ljós og pottinn með Siggu og Ingu, pöntuðum síðan pizzu og átum eins og svín. Með í því var líka Fríða (mamma hennar Ingu) og Guðrún (dóttir Ingu) og eitthvað skottaðist litla skottið þarna líka. Erla og Hjálmar komu líka og borðuðu og síðan spilaði allur hópurinn trivial sem auðvitað endaði með yfirgnæfandi sigri okkar Fríðu

Fimmtudagur var rólegur, skrapp aðeins til Pettíar og Trása með Almari mínum. Föstudagur var líka tíðindalítill. Lokaverkefnishópurinn þóttist vera að vinna í lokaverkefni en eitthvað gekk það hægt, allar frekar andlausar. Á föstudagskvöldið sat ég heima framan af og spilaði trivial við Ingveldi sem endaði með sigri hennar en það var nú bara afþví ég var ekki alveg í formi sko hósthóst. Skrapp svo aðeins til Petru með Almari, þar var stuðpartý.

Vinna á laugardag, lagði mig síðan aðeins og fór svo til Siggu og borðaði og drakk ískaldan öl. Toppurinn á kvöldinu var þegar Helga mín litla, Eva, Maja og Ingi komu og upphófst heljarinnar brandarakeppni. Held að þar hafi Ingi sigrað með miklum yfirburðum með stórkostlegri reynslusögu sem ég reyndar hef ekki eftir, enda held ég að hún eigi ekki að líta dagsins ljós  Voða gaman að hitta Helgu mína og knúsa hana aðeins, alltaf jafn sæt þessi mús. Hlakka voða til þegar hún er búin að læra og kemur norður.......... vonandi

Sit núna og bíð eftir að tíminn líði. Er að fara að borða með Evunni minni aka Snata og síðan eitthvað að hitta Almar minn. Kannski fæ ég bara Ingveldi til að spila yatsy við mig þangað til að Almar verður laus.

Fyrir þá sem ekki vita eru 12 vikur þangað til að mesta útskrift sögunnar verður, ohh það verður alveg dásamlegt. 8 vikur þangað til að lokaverkefninu verður skilað, 10 vikur í kynninguna. Allt á fullu í huganum um veisluhöld og annað slíkt, viljiði veislu???

Annars allt í stuði, aðallega ég 

Farið vel  með ykkur krúttin mín

K

 Já árshátíðin góða er búin.

> >

Kvöldið hófst með því að Sóley skutlaði mér til Ólafar og tókum við Þyri með okkur. Þegar til Ólafar var komið var endalaust borinn í okkur þessi fíni kokkteill sem gerði svo sannarlega það sem hann átti að gera.

Í höllina fórum við rétt um 8 og þá gerðist vax sagan mikla sem verður síðar í blogginu. Maturinn var alveg frábær en skemmtiatriðin svona lala en það gerði nú ekki til þegar maður er í svona góðra manna hópi.

Páll Óskar tryllti svo lýðinn gjörsamlega eftir borðhaldið. Um 3 leytið var það þreytt en ánægð stúlka sem settist inn í leigubíl og lét keyra sig heim. Tifinningin sem fór um æðar mínar þegar ég tók af mér gerviaugnhárin var ólýsanleg. Enda klárlega flottustu augnhár sem sögur fara af, með steinum á og alles hehe.

VAX: ekki æskilegt efni á föt né leðurstígvél.

Jú mikið rétt, ég fékk vax yfir  mig alla. Stóð fyrir framan höllina þegar ég kom og spjallaði við Hörpu frænku. Er ekki eitthvað helv útikerti sem springur með tilheyrandi látum og vaxið ákvað að fara allt yfir okkur Hörpu. Hún þurfti heim að skipta um föt. Leðurstígvélin mín voru eins og þeim hefði verið dýpt i heitan vaxpott, einhverjir blettir fóru á leggingsbuxurnar minar og kápan var eins og hún hefði legið í vaxi. ARG!!!

Það var því skelfingu lostin stúlka  sem hélt til skósmiðs í dag, skíthrædd um að fá dauðadóm yfir  fínu og flottu stígvélunum. Skósi tók stíbbana og sagði stúlkunni að koma aftur kl 5. Á meðan fór stúlkan heim, reif niður dagskrána, já hún veit að það eru helgispjöll að rífa biblíu akureyringa niður, mundaði straujárnið og skellti á kápuna fínu. Og jú, kápan er eins og ný, sést ekkert eftir vaxið. Rúmlega 5 skundaði stúlkan aftur í bæinn á fund skóarans. Hjartað barðist ótt og títt, en viti menn, fínu og flottu stígvélin biðu hennar eins og ný. Reikningurinn hljómaði uppá 750 kr. Gott mál það.

> >

Nóg með það. Lokaverkefnisvinna í fullum gangi. Búnar að gera kynningarbréfið og setja í tilheyrandi póstkassa. Fann að vísu ekki  tvo einstaklinga, spurning hvort þeir séu fluttir eða bara död!!

Í næstu viku hringjum við svo út spurningalistann og svo fer allt á fullt. Hins vegar var leiðbeinandinn okkar að segja okkur að hún væri að fara til Skotlands á fimmtudag og kemur ekki fyrr en um páska. Ég man nú ekki eftir að hafa gefið leyfi fyrir því.

Svo er Helga litla að koma á mánudaginn (held ég) og ætlar að vera yfir páskana, hlakka til að hitta hana.

Veit ekkert hvað ég geri yfir helgina, það er konukvöld á amor í kvöld, fer  kannski með Ásu ef þannig verður gállinn á mér. Annars átti Eva Ösp vinkona mín afmæli í gær og er búin að bjóða í teiti í kveld. Til hamingju með afmælið Eva mín.

Jæja nú er best að halda áfram með þetta blessaða fjölskylduverkefni.

Heyrumst

K

ÉG ER SVO AGALEGA GLÖÐ AFÞVÍ ÉG ER AÐ FARA Á ÁRSHÁTÍÐ !!!!!!
Er að fara í sturtu og fer svo í förðun til Unsu minnar rúmlega 3. Sóley ætlar svo að skutla mér til Ólafar sem ég vinn með, þar ætlum við nokkrar að hittast til að efla andann áður en við förum á árshátíðina.
Í tilefni af þessu öllu skelli ég hér inn alveg stórgóðum brandara, mér fannst hann allavegana alveg hrikalega fyndinn og gáfulegur.
Njótið vel elskurnar mínar og hafið það sem allra allra best.

Hjón í sumarfríi fóru í bústað á Þingvallavatni. Eiginmanninum fannst best að veiða við sólarupprás. Konunni fannst gaman að lesa. Einn morgun snýr eiginmaðurinn aftur eftir nokkurra klukkustunda veiðar og ákveður að leggja sig. Þó konan þekki ekki vel til á Þingvöllum ákveður hún að fara á bátnum og sigla út á vatnið. Hún siglir stutta vegalengd út á vatnið, setur út akkerið og kemur sér vel fyrir og fer að lesa bók. Stuttu seinna kemur veiðivörður siglandi að henni á bát sínum. "Góðan daginn frú, hvað ert þú að gera?" spyr hann. "Ég er að lesa bók" svarar hún (og hugsar með
sér hvort það sé ekki augljóst!). "Þú ert á lokuðu veiðisvæði" segir
vörðurinn. "Fyrirgefðu en ég er ekki að veiða, ég er að lesa" segir hún. "Já" svarar hann, "En þú ert með allar græjur, hvað veit ég nema að þú farir að veiða eftir skamma stund. Ég verð að fá þig í land svo ég geti gert skýrslu um þetta". "Ef þú gerir það þá verð ég að kæra þig fyrir nauðgun!" svarar hún þá. "En ég hef ekki snert þig " segir vörðurinn forviða. "Það er rétt en þú hefur allar græjur og hvað veit ég nema að þú byrjir eftir skamma stund". "Hafðu það gott í dag frú" sagði vörðurinn og sigldi á brott.
 
Boðskapur sögunnar: Aldrei rífast við konu sem les. Það er mjög líklegt að hún geti líka hugsað !!

Sé ykkur fljótlega elsku krúttin mín
over and out
K

...... kemur loksins blogg.

Annars held ég að það verði nú lítið og lélegt sökum lítillar frásagnargleði og enn færri tíðinda

Það ber hæst að ég er að enda mitt allra síðasta verknám á námsferlinum  Gjörgæslan var það í síðustu viku en í þessari viku sýni ég mikla snilldartakta á skurðstofunni. Hef nú reyndar ekki fengið að skera neinn sem ég furða mig mjög mikið á . Líkar mun betur á skurðstofunni heldur en á gjörgæslunni en hef ekki í hyggju að leggja hvorugt þetta fyrir mig. Þegar þessu allra síðasta verknámi líkur um hádegi á morgun fer loksins að verða einhver tími fyrir lokaverkefnisvinnu, svona inn á milli örfárra daga í skólanum og einhverra vakta á Hlíðinni minni.

Næst hæst á lofti er Árshátíð Akureyrarbæjar á laugardagskvöldið. Þar verður maður auðvitað að mæta í sínu fínasta pússi, með megaförðun frá Unsu, í lánsfötum frá Pettí, með góða skapið sem ég á sjálf  og í för með Rönnu minni sem ég á líka, tja allavegana einhvern part í held ég!!!
Það verður alveg fínasti matseðill, Hundur í óskilum sér um veislustjórn og Paul Oscar ætlar að trylla lýðinn eftir borðhald. Spurning hvort maður getur ekki slett eitthvað úr klaufunum þar.

Svo er skóli á mánudag og þriðjudag, og framhaldið er óráðið. Eitthvað fer maður líkliega í kaffi til kannski HGV eða HGV, annars er önnur HGV aldrei heima þegar mér dettur í hug að heimsækja hana, alltaf á bókasafninu. Ætli hún haldi að hún sé orðin hámenningarleg eða hvað?? Svo er spurning um að fara líka til hinnar HGV og sauma eitthvað, það er nú hlutur sem hefur ekki gerst MJÖG lengi.

Það líður nú líka að páskum núna, bíð spennt eftir djammdagskránni, er að vísu að vinna einhverja daga þarna. Hverjum datt eiginlega í hug að láta mig vinna eina mestu djammhelgi ársins?? Og Almar litli að koma norður, líklega möst að hitta þann blesa eitthvað .

Og í síðasta lagi.... hvernig fannst ykkur nýja júróvísíon lagið??

Þangað til næst, sem ég veit ekki hvenær verður

Hilsen

K

 

þó ég nenni ekki að blogga!!!

Þó nokkuð búið að vera að gera hjá mér undanfarið, tók alveg múltimilljón næturvaktir í síðustu viku og endaði á fimmtudagsmorgun, þá búin að vera á 6 næturvöktum á 7 nóttum. Tók mér frí á laugardagskvöldinu til að mæta í kveðjupartý fyrir hana Unsu mína sem var að kveðja okkur á Hlíðinni. Það var þrusu stuð og eftir partý og stutt stopp hjá Pettí og mikinn hlátur þar mætti ég á Eurobandið mikla. Klikkar aldrei.

Næturvaktir héldu svo áfram með tilheyrandi rólegheitum, dvd glápi og saumaskap. Verst að þurfa að halda sér vakandi.

Föstudaginn síðasta var svo þorrablót í Hlíðinni sem ég auðvitað mætti á ásamt Rönnu minni og fleiri góðum kjellum. Þar var hlegið dátt eins og okkar er von og vísa hehe. Blót á elló er nú búið snemma og eftir það kíkkaði ég á Siggu (indíánakærustu) og fór svo aðeins á kaf ak í háskólapartý. Það entist alveg þangað til ég fór til Ásrúnar ísmástund og lét hundinn (hundskrattann hennar) bíta  mig í puttann, þá fór nú að koma ferðahugur í mig aftur.

Laugardagur rann rólega af stað, fór að vinna um hálf 4, mætti auðvitað of seint  þar sem bíllinn var greinilega á túr og vildi ekki fara í gang. Spurning hvort þar hafi verið tilfinningar mínar að nenna ekki að fara að vinna eða bíllinn sem réði hehe.

Eftir vinnu mætti ég galvösk til Pettíar til að fara með henni á þorrablótsball í Árskógi en eitthvað var heilsa hennar ekki of góð eftir kvöldið áður, þannig að för okkar seinkaði heldur betur, en á blótið fórum við og tókum auðvitað Ingu (barnsmóður) með okkur. Það var þrusu stuð. Þuríður "sambýliskona mín" keyrði okkur gegn vægu gjaldi úteftir og Eva mín litla náði aftur í okkur. Þar sem við vorum komnar í bæinn fyrir lokun þá var auðvitað nauðsynlegt að kíkja einn hring á Véló, þar voru nokkrir góðir hressir fuglar hehe.

Á mánudag byrjaði ég svo í verklegu á gjörgæslunni hér á Ak, sosum alltílæ en ekki of mikið að gera, þannig lagað. Samt búin að sjá hluti sem ég hef ekki áður séð, sem ég ætla ekki að lýsa sérstaklega sökum þess hvað margir vinir mínir eru pjattaðir hehe.

Svo er ég víst komin með vinnu í sumar en það er ekki víst að Maríu nurse assoicate vinkonu minni líki mitt val en ég held hins vegar að HGV og HGV líki vel að ég verði hér á Ak, spurning hvað vera mín endist hér lengi, Almar vilt þú tjá þig um hvar á landinu ég á að vera?? já ég veit strax,,,,, sem lengst frá þér hahahahahahaha...................
Ef ég á að vera á ak þá verða HGV og HGV að verða að vera að duglegrii að blogga og að bjóða í kaffi!!!!
MÚHAHAHA

Næsta helgi: hmm allavegana júró á lau!! Hver er mem í júró partý nr !???

 

K

P.S. Hvatning vikunnar: Hafdís, farðu að sauma og Heiða bjóddu mér oftar í kaffi hahaha

 

Ég blogga ekki fyrr en HGV og HGV eru búnar að blogga, þær böggast í mér!!! Hafa svo sannarlega ekki efni á því!! Fyrir utan það þá er ég með næturvaktarþoku!!!!!!

HAAAAA!!!!

STELPUR KOMA SVO!!!!

.... með þessa hrikalegu leti. Ég bara kem mér ekki að því að fara að gera þetta fjölskylduverkefni, frekar ligg ég inn í stofu, upp í sófa, með teppi og horfi á algjörlega gagnslausar sápuóperur. Veðrið er heldur ekki alveg það skemmtilegasta þannig að það er ekki eins og manni langi að fara út þó heimilið sé orðið mjólkurlaust. Hins vegar hefði verið smellin hugmynd að fara til Heiðu eða Hafdísar og láta þær hræra í kakó eða eitthvað í stórhríðinni. Alltaf fínar veitingar þar. Líka væri fín hugmynd að draga upp saumadótið því nóg er víst til, en fingurnir eru bara svo loppnir af kulda að ég held að þær gætu ekki ráðið við nálina.

Nokkrir af sambýlisfélögum mínum hér á steininum lögðu upp í vísindaferð til höfuðborgarinnar í dag. Lagt var af stað frá skólanum um kl 14 og þegar ég heyrði í þeim kl 17 þá voru þau rétt komin i gegnum Blönduós. Get nú ekki annað sagt en ég vil frekar liggja í þessum vonda sófa heldur en að húka í rútuferð í marga klukkutíma í brjáluðu veðri.

Í gærkvöldi leit hún María vinkona mín til mín, hún er gamall vinnufélagi frá Sjúkrahúsinu á Húsavík. Nokkrir gamlir taktar voru rifjaðir upp og mikið hlegið. Toppaði þó allt þegar hún ákvað að taka góða takta og detta undir bílinn sem kom að sækja hana. Frekar gott hjá henni.

Annars er fátt í fréttum, blasir við mér vinnuhelgi, sem er í sjálfu sér ágætt. Planið er líka að vera dugleg að sauma og gera verkefni en við sjáum til hvernig það fer. Í augnablikinu höldum við Steina áfram sápumaraþoni, Glataðar vonir að byrja og Nágrannar strax á eftir.

En jæja, heyri í ykkur síðar.

Adios

K

P.s. Þið munið svo að kvitta er það ekki??

Á þá ekki bara að halda áfram??

endilega svarið, hlakka til að sjá hvað þið segið, stal þessu frá Guðrúnu Petru, bekkjarsystur minni og skáfrænku

 

Nokkrar spurningar fyrir ykkur sem viljið svara


1. Miðnafnið þitt:
2. Aldur:
3. Single or Taken:
4. Uppáhalds bíómynd:
5. Uppáhalds lag:
6. Uppáhaldshljómsveit:
7. Dirty or Clean:
8. Tattoo eða göt:
9. Þekkjumst við persónulega?
10. Hver er tilgangurinn með lífinu?
11. Myndiru bakka mig upp í slagsmálum?
12. Myndiru þaga yfir leyndarmáli ef það skipti mig máli?
13. Besta minningin þín um okkur?
14. Myndir þú gefa mér nýra?
15. Segðu eitthvað skrýtið um þig:
16. Myndir þú hugsa um mig ef ég væri veik/ur?
17. Getum við hist og bakað köku?
18. Hefuru heyrt kjaftasögu um mig nýlega?
19. Talaru eða hefuru talað illa um mig?
20. Finnst þér ég góð manneskja?
21. Myndir þú keyra með mér hringinn í kringum landið?
22. Finnst þér ég aðlaðandi?
23. Hverju myndiru vilja breyta í mínu fari?
24. Í hverju sefuru?
25. Kæmiru í heimsókn af tilefnislausu, bara til að chilla?
26. Myndir þú koma á stefnumót ef ég myndi bjóða þér?
27. Ef ég ætti einn dag ólifaðann, hvað myndum við gera?
28. Ætlaru að setja þetta á þína síðu svo ég geti fyllt þetta út?